طاجين الزيتون 🥘😍🥘
إفتح في تطبيق كوكبادالخطوات
- 1
نرحي صدر الدجاج نزيدلو بصلة مرحية الثوم البهارات الشابلير الباتي الحار مرحي رقيق الدبشة و الملح نخلط الكل جيدا.. و نحطو 10 دقائق فالمجمد باش يجي ساهل فالخدمة
- 2
نجبد الخليط و نحاول نشكل مستطيلات صغار محشية بالجبن.. نكمل كل الكمية و نعاود نحطهم فالمجمد حوالي ربع ساعة.. نوجد المقلة فيها شوي زيت و مغرف كبيرة مرغرين نقلي الاصابع على نار قليلة.. كي يطيبو نحيهم بجيه و في نفس المقلة و نفس الزيت لي قليت فيها نحط بصلة مرحية البهارات و الزيتون نكون حطيتو فالماء من قبل نقلي مليح و نمرق ب حوالي زوج كيسان ماء فقط نغلق عليه و نخليه يطيب.. كي تعقد لاصوص نحط فيها الاصابع لي قليتهم و نخليها تكتك حوالي عشر دقائق.. نطفي و نزيد عصرة قارص و دبشة مقطعة.. شهية طيبة🥰
كلمات ذات صلة
وصفات مشابهة
وصفات ننصحك بمشاهدتها
https://cookpad.wasmer.app/dz/%D9%88%D8%B5%D9%81%D8%A7%D8%AA/14891460
التعليقات (2)