اول حاجه حطيت السميد في طبق عميق وعليه المقادير الجافة وهى الفانيليا والبيكنج وجوز الهند والسكر وقلبتهم مع بعض

وفي بولة تانية قلبت الزبادي مع الذبدة او السمنة المذابة مسبقا وضيفت الخليط دة على خليط السميد السابق وقلبتهم كويس

هنحتاج حوالى معلقتين كبار حليب او اكتر عشان العجينه تمسك شوية ونفردها في صينية متبطنة بالقليل من الطحينه ونفردها كويس

ونحاول نساويها ونقطعها من الوجه فقط لتأخذ نفس الشكل عند الخروج من الفرن ونرص حبات اللوز للتزيين ونضغط قليلا

وتدخل الفرن على درجة حرارة متوسطة لمدة تصل إلى نصف ساعة او اقل حسب الفرن

اثناء وجودها في الفرن هنعمل الشيرة عالنار اللى هى السكر والمية ونسيبها لحد ماتتقل بسيط ونضطيف نقطتين ليمون ومعلقة عسل نحل ونطفي النار