إفتح في تطبيق كوكبادالخطوات
- 1
العجين
كناخدو الدقيق الابيض ثم الفينو كنزيدو عليهم سكر سنيدة (سكر خشن) الخميرة الزيت والملح وكنعجنوها مزيان بالماء الدافئ وندلكوها ونخليوها تختمر حتى يضاعف الحجم ديالها - 2
فمقلات كنديرو زيت تسخن من بعد ما كنقطعو البصل والفلفل القطع صغيرة وكنضيفو عليهوم الجزر محكوك كنديرو كولشي فنفس الوقت على عافية مهيلة من بعد عاد كنزيدو عليهم الكفتة والتوابل حتى كطيب الكفتة ماشي شرط طيب الخضرة مزيان المهم تشرب لينا التوابل كنخليوها تبرد (الحشوة ماشي ضاروري ديري نفس الخضرة ممكن تزيدي او تبدلي)
- 3
من بعد مكتخمر لينا العجين كنقسموها على كرات متوسطين ديك الكمية كتعطينا8ديال الكورات (منستعملوش زيت فهاد المرحلة باش تلسق لينا العجين فاش نديرو تعميرة ومتخرجش لينا)من بعد كنكرصوها وكنخليو الوسط غليظ شوية كنقرصو جناب مزيان كزديرو تعميرا وكنجمعو العجين ديالنا من بعد مكنكملوهم كاملين كنديرو مقلاة الثقيلة تسخن فوق البوطة ومن بعد كنقصو عليها العافية كنرجعو الاول وحدة كنخضو شوية دزيت وكنبداو نشكلوها على شكل خبيزات (الوجه ديالها يكون من تحت باش متخرجش لينا التعميرة)
- 4
من بعد كنحطوهم يطيبو وكنبداو نقلبوهم حتى يتحمرو من جميع الجوانب وبالصحة والراحة كيجيو خفاف 😚😚😚
وصفات مشابهة
وصفات ننصحك بمشاهدتها
التعليقات (8)