نبدا اولا بغسل حبات البطاطا وتقطيعها الى دوائر ثم نملحها ونحط مقلاة بها زيت ونقلي البطاطا تاعي

بعد ماتتقلى نحطها في صحن ونجيب صدر دجاج تاعي نقطعو رقيق ونتبلو ونرحي سنات ثوم عليه ونحطو نقليه في المقلاة

بعد ما قليت اللحم تاعي نحطو على جنب ونجيب ورق طهي نستف فيه البطاطا تاعي ونخلط في صحن خبات البيض ورشة ملخ ومعدنوس مقطع وجبن طري ونخلط ونصبو على البطاطا ونرجع ندخلها الفرن حتى ينشف البيض

بعد مانشف البيض فالبطاطا نخرجها من الفرن ونحط عليها لحم الدجاج المقطع ونحط على جنب الجبن طري ونبدا نلف الرولي تاعي حتى نتحصل على حربوش ونحي ورق الطهي بعد ذلك نجيب جبن مبشور نحطو فوق الرولي ونرجعو الفرن يتحمر من فوق