نبدا اولا بتحضير المرق نحط قطع الدجاج ونضيف عليها بصلة مسكرفجة والثوم مع اضافة التوابل والفلفل الاسود والملح والحمص ونحطها على النار تتقلى مليح ثم نمرقها بالماء ونخليها تطيب

بعد مايطيب اللحم تاعي نحيه ونحطو في صحن ونخليه يبرد تماما ثم نقوم بتفتيته ونضيف عليه حبة بيض وم ك فرينة والتوابل وسنينات ثوم ومعدنوس مقطع ونخلط جيدا

نجيب مقلاة نحط فيها زيت ونبدا نشكل حبات الياهني تاعي ونحطها تتقلا فالزيت ونقلبها على الجهتين حتى تتحمر ونحطها على ورق ماص

الخطوة الاخيرة نجيب المرق تاعي ونحط على النار ونحط حبات الياهني (انا ماحطيتش كامل الكمية لان العائلة صغيرة)حطيت اربع حبات فقط ونخليها تغلى مليح في هذاك المرق ونطفي عليها النار ونقدمها في صحن التقديم