نضيف المكونات الجافة ف العجان لو مش عندنا نخلطهم في طبق عميق بملعقة جيدًا

نضيف بعد ذلك مقدار الزبادي والمايونيز ونعجن وجنبنا كوباية ماية دافية

نضيف منها حبة بحبة لغاية ما العجينة تلم

نعجن فترة طويلة كل ما هنعجنه اطول كل ما يكون طري وهش

بعد ما يختلط كوب الماء نزود ملعقتين الزبدة ونكمل عجن لغاية ما تبقى العجينة لينة وطرية اوي

نجيب بولة نضيفة ندهنها سمنة او زيت ونضع فيها العجينة ونغطيها ببلاستيك شفاف وعليه فوطة نضيفة ونسيبها تختمر

نرش سطح الرخامة بالدقيق ولازم يكون نضيف ومتعقم كويس ونفرد العجينة عليه بشكل مستطيل كدا وسمكها مش اكتر من نص سنتيمتر

ندهن العجين بالزبدة الطرية ونرش عليها خليط السكر والقرفة واللي جابب يزود مقدار القرفة عادي حسب ذوقكوا او يحط ملعقة كاكاو خام او نيسكويك اللي متوفر وزي ما بتحبوه

بعد كدا هنلف العجينة رول من الجهة الاطول عشان لما يتقطع يديني عدد اكبر

نقوم بتقطيع الرول كل قطعة بارتفاع ٥ سنتيمتر تقريبًا بالسكينة او بخيط الاسنان ودا افضل جربت الطريقتين وكان دا احسنهم

نرصهم ف صينية عليها ورق زبدة او مفرش سيليكون اللي متاح استخدميه لو مفيش الاتنين ادهني الصينية بزيدة او سمنة كويس عشان ميلزقوش فيها وتفضل تكون الومنيوم الصينية

القطع بالتقريب ١٢-١٤ قطعة واحنا بنرصهم نراعي اننا نسيب فراغات بين كل اتنين عشان لسه حجمهم هيزيد كمان

نجهز بقى الصوص الابيض التوبينج عليهم عبارة عن الحليب المكثف والجبنة الكريمي والڤانيليا والكريم شانتيه نضربهم بالكبة ونسيبهم ف التلاجة يتماسكوا ع ما الرولات تختمر

هنشغل الفرن ع درجة حرارة ٢٢٠ ياخد لون دهبي من تحت ف الرف الاقرب للفرن وبعدين نرفعه تحت الشواية ياخد لون من فوق ونطلعه يهدى شوية