في هذه الوصفة لازم خلاط كهربائي ما تصلحش بل فوي نفصل الصفار عن البياض ونطلع مليح ونزيد السكر ونضرب ثم الزيت حتى يصبح الخليط كالميوناز ونزيد الحليب والقهوة ثم كاكاو ثم الخميرة و الفرينة ندهن المول مليح ونكب الخليط وفي الفرن يكون مسخن من قبل منحلوش عليها في دقائق 10 الاولى كن نحلو عليها تهبط

من جهة نطلع البياض مع قرصة ملح و نطلع مليح حتى يولي كي الثلج ونكون حطيت كاسرونة تاع ماء حتى يغلي الماء نحط ايناء البيض فوق الكاسرونة ونبدأ نخلط و نزيدو في السكر بالتدريج مع فاني و ملعقة نشاء حتى نتحصل على ميرانغ

كي طيب مسكوتة من الفوق و الاسفل نخرجوها و مكبو عليها الميرانغ تحبو بالملعقة تحبو ديرو ميرانغ في لابوش و تشكلو كيما تحبو

نشعلو الفرن من فوق ونقصولو ونهبطو المسكونة أسفل درجة نخليو ميرانغ يطيب ونعسوه باه مايتحرقش

التزين لي تحب تخليها كيما راهي لي تحب ترش كاكاو ولي تحب تزيد فواكه