نبدا اولا بتحضير الصابلي في جفنة نحط علبة الزبدة نمحيها جيدا ثم نضيف رشة فانيلا ونضيف 2صفار بيض ثم العسل ونخلط ونضيف البسكوي بعد مارحيتو ونخلط ونبدا نضيف فالفرينة مع م ص خميرة كيميايئة

نتخصل على عجينة طرية نوعا ما نخليها ترتاح ثم نحل العجينة تاعي على ورق بلاستيكي ونطبعها بطابع القلب كريستال ونستفها فالسينية

راح نطبع حبات عادية وحبات مثقوبين حتى نكمل كامل الكمية ندخلهم الفرن يطيبو ونخرجهم ونخليهم يبردو تماما ثم نجيب توفيا كرميل ونلصق بيها حبات الصابلي ثم نعمر الثقبة لي فالوسط فالتوفيا ونخلي الصابلي تاعي يشيح

فالاخير نزينو بخطوط شكولا سوداء وورق ذهب فالوسط ونحطو فالكيسات ونقدمو