في قصعة نضع الفرينة مغربلة و الفانيلا و الملح نخلط الكل و نضيف حبة البيض و نضيف السمن و نبسس مليح ثم نغربل الكل و مبعد نلم بالماء و ماء زهر حتى نتحصل على عجينة حاكمة روحها نغطيها و نخليها ترتاح ليلة كاملة
نخلط الكوكاو مع السكر و الفانيلا و شوية قرفة و المارغرين و نفتل بالماء زهر حتى تتشمخ كل الحبات و تبدا تثقال نغطيها و نخليها ترتاح ساعة.

نقسم عجينة البقلاوة الى 6 كويرات نبدا نحل الكرات بالمشينة في الرقم 9و نرش الميزينة و نحط في مول 30 على 40 مدهون بالسمن الطبقة الاولى تكون خشينة يعنيةفي رقم 6و الباقي في 9 نحط الطبقات مخالفين بالطول و بالعرض نعمل 6 طبقات من الاسفل و ندهن بالسمن مليح بين الطبقات الا الطبقة الاخيرة لاننا نضع الحشو و نسويه و نكمل نفتح 6 طبقات من الفوق و ندهن بيناتهم بالسمن في الاخير نحي الحواشي و نترك البقلاوة ترتاح 10د ثم نقطعها و نزينها بحبة كوكاو من الفوق ندهن الوجه بالسمن و نتركها ترتاح ليلة كاملة

نطيبها في فرن مسخن مسبقا ثم نقص على درجة منخفضة حتى تحمر الحواف نشعل من الفوق حتى تاخد لون جميل من الوجه ثم نعسلها مباشرة و نخليها تتشرب ليلة كاملة.ثم نقطعها.