نبدأ بالدجاج نحل الصدر على زوج وبواسطة مطرقة اللحم نرققو على قد ما نقدر نحشيه فرماج وكاشير نغلق عليهم مليببيح نملحو من برى ونديرلو فلفل اسود وزنجبيل ونديرو فالبيض والفرينة وبعد فالبيض والشابلير اي خبز يابس مرحي ونقليه في زيت غزير على نار متوسطة كي يطيب نقصو كيما الصورة

اللحم المرحي نديرلو توابل عصرة قارص ملح وقصبر ومغرفة زبدة ذايبة وبياض بيضة ونعجنو ملييييح نحلو فوق ساشي باه تساعدك فالخدمة نديرو مستطيل ونحشيه فرماج ونرولي ونزير عليه مليح بعد ندير يفور كي يطيب نحلو نحمرو بالزبدة والا زيت في مقلة ونقصو كيما الصورة

لاصوص بلونش ندير شومبينيون وزبدة يتقلاو مليح نزيد عليهم كرام فراش نرمي قطعة فرماج حتى تذوب نطفي عليه

التزيين كيما الصورة مع ليمون وقصبر بنيييين وبريزونتابل ،😍😋😜