نبدأ بكريمة الباتيسيار ندير نص لتر حليب ثلاثة ملاعق ميزينة الي هو النشاء خمسة ملاعق سكر نحركم بارد في بارد ونديرهم فوق النار حتى يعقد لخليط نديرلو كمية مليحة من قشور الليمون ومغرف زبدة نحركهم مليح نغطي بالبلاستيك الغدائي ونديرها تبرد

نروح للعجينة نحلوها رقيقة بزااااف نديروها في بلا يدخل للفور ونديرولها من تحت بابي كويسون (ورق الطهي) ونثقبوها ملييييييييييييح بالفرشيطة ونديرو فوقها بلا اخر باه ما تتنفخش معانا وهي الطيب نخلوها تتحمر من فوق ومن تحت ونخرجوها تبرد ونقطعوها على ثلاثة

نخرج لكريمة تاعي نديرها في بوش باه تساعدني فالخدمة وندير طبقات بين كل طبقة وطبقة ندي لكريم باتيسيار الطبقة الأخيرة ما نديرلهاش كريمة

للڨلاصاج نحتاجو كمية من السكر ناعم نزيدولو عصير ليمون بالملعقة ونخلط مليح ونشوف نتحصل على قلاصاج ناعم ومتماسك قليلا ونفرغو فوق الميلفاي ونخليه حتى يهبط عالاطراف

ندير زوج مغارف كاكاو ونظيفلهم شوية زيت نديرهم في بوش وندير خطوط بالطول وبواسطة كيردون ندي ونجيب حتى نتحصلو على شكل لميلفاي نخليه يتماسك وبعد نقطع الأطراف باه يجوني شابين الحبات تاعي ونقسمهم كيما نحب وبصحتكم ،😋🤗😍😙