مكرونه بالبشاميل
أطيب مكرونه بالبشاميل كل اللي يدقها من ايدي ينسي و ياكل صوابعه وراها من حلاوتها 😅
مكرونه بالبشاميل
أطيب مكرونه بالبشاميل كل اللي يدقها من ايدي ينسي و ياكل صوابعه وراها من حلاوتها 😅
إفتح في تطبيق كوكبادالخطوات
- 1
في حلة كبيرة شوية سلقت المكرونه تلت ارباع سوا عشان هتعمل سوا في الفرن و متبقاش معجنه
- 2
جبت طاسة و فرمت البصل في الكبة و شوحته في معلقتين زيت ذرة و حطيت اللحمه و فككتها من بعض عشان تبقا مفرولة و حطيت معلقة صغيرة ملح و نص معلقة فلفل اسود و زيها سبع بهارات و قرفة و جنزبيل و معلقتين كبار صلصلة طماطم و سيبتها تتسبك شوية بس مش كتير عشان تبقا فيها صلصلة و زودت نص كوباية ميه مغلية و وطيت عليها
- 3
بعد كدة صفيت المكرونه و في حلة المكرونه حطيت ٥ معالق كبيرة دقيق و زيهم زبدة و حمرت الدقيق و حطيت عليه كيلو اللبن و قلبته كويس لحد مابقا القوام كدة و حطيت معلقة ملح و فلفل اسود و سبع بهارات و سيبته يبرد عشان احط البيضة فيه و متستويش فيه
- 4
جبت صنيه كبيرة مستطيلة و حطيت في الأرضية بشاميل و دهنت الصنيه كلها و حطيت نص المكرونه و حطيت اللحمه و معلقة بشاميل علي وش اللحمه و بضهر المغلقة و ضغطت بيها و حطيت معلقة بشاميل علي نص المكرونه التانيه و قلبت و حطيتها فوق اللحمه و عليها باقي البشاميل و سويته كويس و ضربت بيضة في طبق بملح و فلفل اسود صغيرين و دهنت الوش بيها و دخلتها في الفرن ساعه الاربع علي الشبكة
طالعه زى القمر و طعمها زبدة والله جربوها بالطريقة دي هتعجبكم اوى وبالف هنا
كلمات ذات صلة
وصفات مشابهة
وصفات ننصحك بمشاهدتها
التعليقات (4)