اول خطوه نغسل الدجاج عدل نقطعه ونخلي بگدر ويا زيت ونظيف عليه الخضار الي اهيه بصل وفلفل بارد وجزر وبطاطس ونومي بصره ودارسين ورق الغار وبهارات مشكل ونحمسها عدل تالي نظيف مي حار ونتركها تستوي ساعه على نار هادئة

نطبخ التمن احمر ونقلي الخضار الي اهيه بيذنجان وفلفل بارد وبصل وبطاطس والطماطم مانقليها ونتركهن على صفحه تالي نشوف الدجاج ستوه عدنه نطلعه ونخلي بگدر ثاني ونسفط الخضار خطوه بخطوه عدل وستوه عدنه التمن نخلي فوگ الدجاج والخضار ونقطع شرائح ليمون تنطي نكها طيبه ونضغطه عدل ونتركه يستوي ربع ساعة بعد ماستوت عدنه المقلوبه نقلبها بصينيه او ماعون كبير ونقدمه والف عافيه