نبدا اولا بتحضير العجين في صحن نحط السميد ونزيد الفرينة ونضيف عليهم السكر والملح والزيت والخميرة ونبدا نبسس مليح ثم نجيب الماء الدافي ونلم العجينة تاعي حتى نتحصل على عجينة متماسكة مش طرية

نحط العجينة تاعي فالعجان تتعجن حوالي ربع ساعة لازم نعجنها لانها فيها السميد وبعد ذلك نقسم العجينة تاعي الى كرات انا وزنتهم 100غ لكل وحدة تقريبا ونخليهم يرتاحو

بعد ذلك نبدا نوجد الخشو تاعي في مقلاة نحط م ك زيت نضيف البصل المقطع ونضيف عليه حبة الفلفل الحلو ونضيف عليهم الملح ونخليهم يذبالو مليح ثم نضيف الطماطم المقطعة ايضا

الخطوة التالية نضيف م ك طماطم مصبرة للخليط ونضيف رشة فلفل اسود ونمرقهم بحوالي نصف كاس ماء ونخليهم يتقلاو مليح

بعد ذلك نبدا بحل كل كرة ونحشي السوفلي تاعي حتى نكمل كامل الكمية تاع العجينة

نجيب مقلاة تكون مخطة (لاسف انا ماعنديش)طيبتو في مقلاة الكراب حتى كملت الحبات تاعي

فالاخير نتحصل على سوفلي خفيف روعة قدمتو مع مشروب غازي