نبدا اولا بتحضير الطبقة الاولى نحط في صحن خبة بيض نضيف غليها السكر ونخلط بالفوي ثم نضيف الزيت والقهوة ونخلط ثم نضيف الكاكاو والفرينة والخميرة الكيميايئة ونخلط جيدا ثم نضيف نصف كاس ماء سخون ونخلطومليح

نجيب بعد ذلك مول يدخل الفرن ندهنو بالزبدة ونفرغ الخليط وندخلو الفرن يطيب بعد مايطيب نكون حضرت السيرو تاعي ونضيف فيه م قهوة سريعة الذوبان وبعد مايبرد السيرو تماما نفرغو عالكيك تاعي ونشربو مليح

الخطوة التالية نحضر في كسرونة نحط نصف لتر حليب ةنضيف عليه السكر والنشاء والكاكاو ونخلط بارد في بارد ونحطها على النار حتى تثقال ونطفي نضيف م ك فانيلا سائلة و2م ك زبدة ونخلط جيدا نجيب الكيك تاعي ونصب عليه كمية من الكريمة حتى نكملها ونخليها حوالي 10د تتماسك

فالاخير نحضر الطبقة الاخيرة نجيب كسرونة نحط فيها علبى شكولا ونحطها على النار تذوب ونضيفلها 2م ك حليب فالبداية ونخلط ثم نضيف 2م ك حليب ونخلط حتى نخصل على خليط ناعم نطفي النار ونصب صوص الشكولا على الطبقة الثانية ونحطها فالثلاجة تتماسك مليح ونخرجها من الثلاجة ونقدمها مع شاي وكتزين اختياري اللي يخب يزينها بكاكاو بني