سلق ورق العنب سلقه بسيطه مع رشه كمون

عملت حشوه المحشي وهي عباره عن معلقتين سمن في حله علي النار وانزل عليهم بالبصله المقطعه مكعبات صغير لحد ما اصفر انزل عليها بعصير الطماطم و معلقتين صلصه (لقوه اللون) وتوابل بهارات و فلفل اسود وشطه وبابريكا لحد ما يتسبكو اقطع عليهم الخضره واضيف لهم الرز المغسول و نلف ورق العنب بالطريقه المعتاده

نسخن ميه و ننزل بالكوارع المغسوله المتنضفه كويس علي النار و نضيف الميه ورق لورى و فلفل اسود و بصله و نتابع كل شويه كل ما الميه تقل نزودها هتاخد حوالي ساعه او ساعه و ربع سوا ونطفي عليها و نسيبها تبرد (يفضل أن دي تكون اول حاجه نبدء بيها)

في حله تاني هنرص بصله من تحت نقطعها طرنشات كبيره و نبدء نرص ورق العنب بعد الحشو ونضيفله الشوربه بتاعت الكوارع هتدي طعم جميل و غني اوي لحد ما يستوى

ناخد الكوارع نقطعها ونرمي العضم و نقطعها صغير و في حله نحط معلقتين سمن و توم مفروم وننزل بالكوارع عليهم معلقتين صلصه وملح 😍😍😍 ونقلب لحد ما يتحمرو شويه