نبدا اولا بتحضير كل من البطاطا والجريوات نغسلها مليح ونقطعها مربعات ونقليها في زيت ونحتفظ بها في صحن بعد القلي

نجيب كسرونة نحط فيها حبات البيض ونضيف عليه جبن مثلثات ورشة ملح ورشة فلفل اسود ونخلطهم مليح ونضيف البطاطا والجريوات المقليين ونضيف حبة الطماطم مقطعة مربعات صغار ونخلط مليح ونحط فوقهم جبن مبشور

نجيب مقلاة تكون ماتلصقش ونحطها على النار ونضيف خليط البطاطا والبيض ونحلها مليح فالمقلاة ونقليها مليح ونقلبها عالجهة الاخرى تتحمر مليح ونقدمها فالصحن مع حبات سردين مقليين ومشروب غازي