نجيب كسرون نحط لتر الحليب السكر النشاء ملعقة الفرينة والكاكاو وكيس الفلون نحرك جيدا بارد في بارد حتى يندمجو المكونات ومن بعد نحطها على النار مع التحريك المستمر حتى نتحصل على كريمة كي تبدا إدير فقاعات نطفي النار

نجيب البسكوي نتاعي نغطس في الحليب ونستف في مول حتى نكون طبقة أولى نضع فوقها طبقة من الكريمة وهكذا نكرر العملية طبقة فوق طبقة حتى ننتهي مع السرعة لان الكريمة تجمد ليه ليه

كي نكمل نسوي الوجه مليح ونحطها في الثلاجة ساعة أو أكثر

من بعد ما تبرد التزيين إختياري نحط كرام ديسار كرامال نسويه على الوجه من بعد نحط كرام ديسار شوكولا في كيس حلواني ونعمل خطوط نجيب كيردو ونعمل خطوط مثل الملفاي

ملاحظة: كل ما كانت الطبقات أكثر كل ما جا شكلها أجمل