نحضر اولا العجين نجيب صحن نحط كاس الخليب دافي نضيف عليه الخميرة والسكر والزيت ونخلط مليح ثم نضيف بياض بيضة والملح وم ك فانيلا ونخلك ونبدا نضيف فالفرينة حتى نتحصل على عجينة طرية نوعا ما نلمها مليح ونحيها من الصحن ونضيفلها م ك زبدة وندخلها فيها مليح ونلمها ونخليها تختمر

بعد مااختمرت العجينة تاعي نرش فرينة على طاولة العمل ونحل العجينة تاعي مليح ثم نجيب م ك زبدة وندهن كامل العجينة ومن بعد نشكلها حربوش ثم نكويها كيما العجين المورق ونخليها ترتاح 10د

بعد مارتاحت 10د نحلها مجددا مستطيل ونجيب 2م ك سكر نرشهم عالعجينة كاملة ثم نجيب علبة شكولا نقصها الى قطع صغيرة انا رابيتها ورشيتها فوق السكر ونرجع نلف من جديد حربوش

بعد ذلك نجيب خيط ونقص الحبات تاعي حتى نكمل كامل الكمية

نجيب سواني الفرن نرشهم بالفرينة ونحط حبات البريوش تاعي ونخليها تختمر مجددا ثم ندهنها بصفار بيض ضفتلو قليل من الحليب وندخلها الفرن تطيب

فالاخير. نخرج حبات البريوش وهيا سخونة ندهنها بشويا عسل نعطيها لمعة جميلة ونخلي يبرد ونقدمو مع قهوة المساء او مع الحليب فاصباح