أولا نتبل الدجاج بكل المقادير اللي ذكرتها للتتبيلة وكل ما تركتيها بالتتبيله كانت ألذ بس يكفي ساعة او من الليل سويها وحطيها بالثلاجه

في مقلاة نحط شوي زيت ونخليه يسخن ونحط عليه الدجاج ونخلي النار اقرب للعاليه ونتركه لما ينشف الماء منه ويستوي ويبتدي يعطي لون خفيف ما يطول لانه صدور ربع ساعة وهو مستوي

ونولع الفحمه ونحطها بقصدير بوسط المقلاه اللي سوينا فيه الدجاج ونصب عليه نقط زيت ونكتمه الدجاج خمس. دقائق (نبخر) الدجاج عشان يعطينا طعم الشوي

الرز: نسلقه مع الهيل والملح بطريقة الشخل مو التنشيف يعني نسويه مع ماء كثير ولما يستوي نشخل الماء من الرز تقريبا يحتاج ١٠ دقائق وحسب رزك

الحشو: نحط ملعقة وسط سمن (دهن) وشوي زيت ونحط السكر ونخليه لما يذوب ويبتدي يتكرمل نحط الزرشك ونقلبه مانخليه ونحط عليه الزعفران ونقلبه لما تنتفخ حبات الزرشك ويذوب السكر تمام تقريبا ٥ دقائق نحط عليه خمس او ست ملاعق طعام من الرز المستوي ونقلبه

نحط بقدر شوي سمن وزيت ونحط الحشو عليه ونحط فوقه باقي الرز ونرشه بشوي سمن او دهن واذا مو حابه عادي براحتك هذا عشان يتقمر. الحشو و تصير حبة الرز نثريه يعني مو معجنه

التقديم: نقلب الرز بالصحن عشان يطلع الحشو فوق ونحط الدجاج على الوجه يقدم مع سلطة زبادي و لا ألذ

ملاحظة: منقوع الزعفران كله على بعضه ملعقة حلى زعفران و ثلث كوب ماء تنقع قبلها بوقت قسميها على الدجاج والحشو