اول شي نحط دجاج فبرمة و نشوحه مليح مليح حتى يخرج كل ماء لي فيه و هادي خطوة مهمة باه شربة تجي بنينة

بعدها نقطع بصلة متوسطة ناعم و ثوم صغيرة نضيف زوج ملاعق كبار زيت ومنكثروش زيت نضيف ملعقة صغيرة ملح و نص ملعقة فلفل اسود و نضيف كرافس ودبشة ومغرف كبيرة معجون طماطم و مغرف صغيرة هريسة و فلفل احمر قرن واحد صغير ونبدو نقلو بشوي بشوي كي يغلو نبدو نضيفو فنجان ماء سخون و نخلوه يتقلى بشوي و كل مينشف نزيدو ماء حتى 3مرات و بعدها نمرقو بالماء سخون و نغطو على برمة حتى يطيب دجاج و نار يا لبنات لازم قاوية

كي يقرب يطيب دجاج و تنشف شوي نضيف مغرف نعناع مجفف و فنجان فريك و نار لازم قاوية قاوية كي نشوفوها طابت نحطو قرن فلفل اخضر و بلشفاء و هناء اذا نخبوها خاثرة خلوها تنشف