🍋🍋 بسبوسة بعطر الليمون 🍋🍋
وصفة سهلة وبسيطة و بنكهة لذيذة 😋😋😋
إفتح في تطبيق كوكبادالخطوات
- 1
بسم الله نبدأ وعليه نتوكل.
- 2
نحضرو الشاربات ونحطوها على جيهة تبرد. نديرو كاس السكر مع كيسان الماء في زوج على النار ونبداو نزيدو في ماء الزهر تدريجيا وكي تعود قريب توجد نزيدولها القليل من عطر الليمون ونحرك ومبعد نطفيو النار عليها.
- 3
بعدها نشعلو على الفرن تاعنا ونخلوه يسخن مليح.
- 4
نبداو بتحضير خليط البسبوسة: نخلطو البيض + السكر (انا خلطت بيدي)
- 5
نزيدو الزيت والحليب وعطر الليمون ونبقاو نخلطو
- 6
نضيف تدريجيا السميد لي خلطناه من قبل مع الفرينة + الخميرة ونخلطو.
- 7
ندهنو صينية الفرن بالزيت ونفرغ الخليط ونخلوها تطيب اي تستوي على الجيهتين.
- 8
كي نخرجوها نرشو عليها قطرات من ماء الزهر ونقطعوها ومبعد نديرولها الشاربات ونخلوها تتشرب.
- 9
التزيين يبقى اختياري وعلى حساب الشي لي متوفر عندك ف الدار (انا استعملت المعجون و الكاوكاو)
- 10
شهية طيبة للجميع. اللهم أدمها نعمة واحفظها من الزوال.. اللهم آميين يارب العالمين.
كلمات ذات صلة
وصفات مشابهة
وصفات ننصحك بمشاهدتها
التعليقات (19)