انا نفضلي مرق احمر من المقرونة لي طيبتها احتفظت بيه واليوم عملت بيه هذا الوصفة جبت المرق تاعي ضفتلو حبة جزر مقطعة دواير وكمشة حمص وحطيتها عالنار تطيب

نرجع نجيب مقلاة نحط فيها م ك زبدة وم ك زيت ونحهطها عالنار ونحط الفارميسال تاعي تتحمص ونقلبها مليح حتى نحصل على لون غامق مليح

نحيهل من المقلاة ونحطها في صحن ونعمل نفس الطريقة مع الارز نحطو في المقلاة ونحمصو هو ايضا ثم نضيف عليه الفارميسال ونحط عليهم م ص ملخ وم ص فلفل اسود

نجيب مول يدخل الفرن نفرغ فيه الفارميسال والارز ونضيف عليهم كمية معتبرة من المرق ونغطيه بورق الزبدة وندخلو الفرن يطيب وبعد مدة نطل عليه اذا لقيتو نشف وطابلي الارز والشعيرية نطفي عليه واذا ماطابش نزيد قليل من المرق ونواصل الطياب تاعو

فالاخير نخرجو ونحي ورق الزبدة عليه ونقدمو في صحن التقديم