نبدا اولا بتحضير جميع المكونات ونجيب قدرة طين نحط فيها اللحم ثم نضيف عليه البصل المرحي والدبشة والكرافس مقطعين ونضيف الملح والتوابل والفلفل الاسود ثم نحط الزيت ونحطها على النار تتقلى مليح ثم نحط م طماطم مصبرة ونقلي الكل مليح

نجيب حبات الطماطم نقطعهم الىى انصاف ونغسلهم مليح ونحطهم في كسكاس فوق القدرة ونبدا نعصر في هذيك الطماطم باليد حتى تهبط كامل فالقدرة ومن بعد نمرق القدر تاعي ونخليه يغلي مليح ونغطي عليه

الخطوة التالية نجيب فنجان صغير معمر فريك ونضيفو عالشربة تاعي ونخليها تطيب مليح حتى تثقال نحط عليها الفلفل الحار كي يطيب نطفي عليها ونخليها تبرد

فالاخير نقدم الشربة تاعي في صحن التقديم مع بوراك سيقار وخبز الدار والف صحة وعافية