نبدا بتحضير العجينة نجيب قصعة صغيرة نحط فيها السميد ونحط معاه الملخ على جنب ثم نجيب ماء دافي ونلم العجين تاعي حتى نتحصل على عجينة يابسة نوعا ما نحطها تتعجن فالعجان مدة نصف ساعة

بعد مرور نصف ساعة نخرجها من العجان ونرجعها فالقصعة ونبدا نطري فيها باليد بماء دافي ونعجن حتى تتعجن مليح ونبقا نطري فالماء ونعجن حتى نتحصل على عجينة طرية نخليها ترتاح

نجيب طاجين او مقلاة ماتلصقش ونبدا نطيب فالورق تاعي انا طيبتها في مقلاة الكريب نهز كمية من العجينة ونبدا ندور فيه فالمقلاة ونحطها عالنار وهكا حتى نكمل كامل كمية العجين ونحطهم على طرشونة ونخليهم يبردو