في كاكوطة ندير شوي زيت وزبدة ونضيف الدجاج والبصل نخليهم يتغلو على نار هادئة ومن بعد نضيف البطاطة لكنت قطعتها على ربعة ونضيف كذلك الجزر واللفت ونخليهم كذلك يتغلو على نار متوسطة

ومن بعد نضيف التوابل كم موضح في صورة

وبعد ذلك نمرق بالماء الذي كنت وضعته يغلي لكي يسهل عليا الطبخ وتصفرلي الكاكوطة تم تم ونزيد زوج حبات فلفل صغير حار باش يطلقلي حرارة وسط مرقة كي تكون تغلي من بعد نغلق عليها

ومن جيهة اخرة درت تليتلي نتاعي يتحمر في مقلات وكاين لديرو في كوشة يحمار وكاين لتفورو انا هنا درتو في ماء يقلي وصفيتو وشوفو مرقة بعد ماطابت خضرة كيفاش ولات شوي مرقة اضفت ذلك التليتلي الى مرقة ودرتلو الحمص وبعد من جيهة اخرى خليتو يغلي روحت قليت خظرة ديالي غير لفت لا

ودرت كذلك البيض يغلي لتزيين التليتلي ديالي وفي الاخير هذا تليتلي نتاعي في الاخير اعطوني رايكم في تعليقات دعموني انا جديدة هنا وشهيتكم في جنة احبكم في الله اخواتي واتمنى تجربوه وتورولي كيفاش جاكم يجي بنين بزاف بنسبة للكمية درتها غذا وعشاء