اول شيء نحضر لي تارتولات تاعي في إناء نحط زبدة و لبيض و رشة ملح و زيت و نخلط بلباتور و منبعد نزيد سكر و نخلط مليييح حتى يتجانس لخليط و نبدأ نضيف لفرينة بتدريج مع رشة خميرة و لم لعجين حتى تولي طرية و متلسقش في ليد بدوون عجن نلمو فقط و نخليها ترتاح شوي.

كي ترتاح لعحينة نجيب لي مول تاعي (درت في مول سيليكون) و نبدأ ندير فيهم لعجينة و نسوي مليح نشكل لتارتولات تاعي فيه و نثقبهم بلفورشيط و ندخلهم للفرن على درجة 180. هوما كي يكونو يطيبو حا يطلعو من لمول فتحي عليه و ثقبيهم مرة اخرى و هبطيهم وين يطلعو هبطيهم حتى يطيبو.

ثاني شيء نحضر جووزية نجيب كاسرول نحط فيها سكر و لماء و نخلط و نحطهم فوق نار كي يبدا يغلي نحسب 10 دقيقة منبعد نضيف لعسل و نخلط مع يبدا حا يغلي نطفيلو.

كي نكون حطيت سكر و لماء يغلو نكون انا في نفس لوقت نطلع في بياض لبيض مع رشة ملح حتى يطلع مليييح يولي ابيض و خفييف كيما اي مثل رغوة تاع صابون 😅😅 مهم كي يغلى سكر و لماء و نزيدلو لعسل و كلش نجيب قرعة تاع زجاج لي نديرو فيها زيت و نبدأ نصب على لبيض خط رقييييق مش دفعة وحدة و في نفس لوقت نخلط ملازمش نحبس حتى نتحصل على كريمة كي نقلبها مطيحش.

نجيب بوشاات تاعي نعمرها بجوزية و نجيب لي تارتولات تاعي و نعمرهم من لاحسن تخلو جوزية ترتاح شوي في فريجيدار تعطيكم شكل افضل انا زربت علبيها ماجاش شكل كيما اي مثل بغيت و رش عليهم كاوكاو (فول سوداني) و تزيين يبقى اختياري طبعاً و ان شاء الله تنال اعجابكم حبيباتي 😘😘😘.