بسم الله نبدا بتحضير التحلية نجيب صحن نحط فيه البيض مع كاس سكر ونبدا نخلك بالخلاط الكهربائئ حتى يبيض الخليط ثم نضيف كاس زيت تدريجيا ونواصل الخلط مليح ثم نحط كاس ماء ساخن جدا على دفعات ونواصل الخلط

و بعد ذلك نخلي قليل من الماء ساخن نضيفلو م ك قهوة سريعة الذوبان ونفرغها غلى الخليط ونخلط ثم نحط نصف كاس كاكاو بني ونخلط مليح حتى يذوب الكاكاو فالخليط مليح ثم نحي الباتور ونضيف كاس فرينة نغربلها ونضيف كيس ونصف خميرة كيميايئة ونواصل الخلط ثم نجيب الكاس الثاني من الفرينة ونفرغو ونخلط مليح بالسباتيل

نجيب مول يدخل الفرن ندهنو بالزبدة ونرشو بالفرينة ونفرغ الخليط مليح وندخل فرن مسخن تطيب من تحت ثم نشعللها تطيب من فوق ونخرجو من الفرن ونخليه يبرد شوي

نجيب كسرونة نحط فيها ماء ونحط فوقها صحن نحط فيه 2م ك شكولا الطلي انا استعملت اوبتيلا وحطيت معاها علبة شكولا بالحليب والمكسرات خليتهم ذابو مليح ونفرغ خليط شكولا الطلي على الكيك تاعي ونسويه مليح

فالاخير نذوب شكولا سوداء ونزين بيها من فوق خطوط ونغطيه بورق الالمنيوم ونحطها نصف ساعة فالثلاجة ثم نخرجو ونقطعو مربعات

فالاخير هذا شكل التحلية تاعي رائعة وبنينة بزاف خصوصا مع طعم اوبتيلا بالبندق جات هايلة