نغسل الأرز المصري زين زين عسب نتخلص من النشا كامل ضروري يكون الماء صافي بعدها ننقعه ساعة كاملة.

بعد ما نقعنا الأرز نطبخه بدون ملح ولا اي إضافة ثانية لمدة ١٠ دقائق فقط و يكون منسوب الماء يغطي الأرز شوي، فالبداية نار عالية بعدين خفيفة.

بعد ما يجهز الأرز نضيف عليه ٣ ملاعق خل و ملعقتين ملح و نص ملعقة صغيرة سكر و نخلط شوي شوي.

بالنسبة للخضار 🥒🥕🌶️ تكون مقطعة طولياً وما تكون سميكه واجد انا النقانق قطعتها نصفين لكل رول وطبعاً حسب الرغبة، يصير نستخدم دياي او لحم عادي.

نبدأ في عملية لف السوشي طبعاً بنحتاج حصير السوشي عشان يكون الشغل مضبوط.

نضع ورق النوري فوق حصير السوشي و نوزع عليه الأرز بالتساوي،، إذا كان الأرز لزج نستخدم ماء او مايونيز و نوزع باقي المكونات في السوشي و نلفها ونستمر لحد ما تخلص الكمية.

من تجاربي في تقطيع السوشي السكين 🔪 الملساء ما تصلح إلا إذا حاده، افضل استخدام سكاكين الأسنان يعني السكاكين الى مب ناعمه لا الى مسننه.

و نرتبهم في صحن و نحط صوص التغميس تحط النوع الى تحبه انا حطيت صوص التتبيله الفرنسية و زينتها بالشبت.

و بس والله وعليكم بالعافية🌿🤍.،