نبدا اولا بتحضير المكونات ونقص البطاطا دوائر ونقص البصل مربعات ونقي اللوبيا ماشطو ونحطو تفور في كسكاس ونحط عليه قليل من الملح

نجيب مقلاة نحط فيها زيت ونحطها غلى النار ونحط البصل المقطع رقيق ونقليه مليح ثم نضيف عليه نصف صدر دجاج ونحط الملح وم ص فلفل اسود وسنات ثوم مرحيين ونقص عليه ونخليه يتقلى

نجيب مقلاة اخرى نحط فيها الزيت ونقلي البطاطا تاعي حتى نكملها ونرجع للمقلاة الاولى ونضيف على اللحم صوص طماطم ونخليه يتقلى مليح بعد مايطيب نفرغو في صحن ونخليه على جنب

في نفس المقلاة نحط م ك زبدة ونحط فيها اللوبيا ماشطو ونضيف سنات ثوم مرحيين ونقص كمية معدنوس ونخليها تطيب

الخطوة التالية نجيب مول يدخل الفرن ونجيب صحن نحط فيه حبات البيض ونحط الكرام فراش (انا عوضتها بالحليب) ونحط رشة ملح ورشة فلفل اسود ونخلط مليح نفرغ كمية من الخليط في اسفل المول ثم نحط كمية من البطاطا طبقة اولى

نحط البطاطا ثم كمية من اللوبيا ماشطو ثم كمية من اللحم ثم كمية من خليط البيض ونحط جبن قطع ونحط كمية من الخليط وكمية من البطاطا المتبقية ونفرغ باقي الخليط ونحطها الفرن تطيب

فالاخير نخرج المول تاعي من الفرن ونقدمو في صحن التقديم ونزينو بالمعدنوس مقطع

شكل الطبق تاعي زينتو بالمعدنوس وحطيت معاه سلطة خضراء وحبات زيتون