في هذه الاثناء نجهز الحشو: في المقلاة نضع بصلة مقطعة صغيرة جدا ونخليها حتى تذبل نوعا ما ونضيفلها حبة جزر مرابية في الرقيق وسنة ثوم نخليهم يطيبو مع بعض ثم نضيفلهم البطاطا بعدما نهرسها بالفرشيطة وطون والزيتون الاسود مقطع صغير ونخلط كلش مع بعض ونخليه يبرد بجيه

بعدما تخمر العجينة نبسطها رقيقة جدا نحلها بالنشاء لازم تكون رقيقة وندهنا الزيت غير شوية ونضع الحشو ومباعدة نروليه كامل ونحطها في بلاطو لي يدخل للفرن حتى نكمل كامل الكراة وبعدهم شوية على بعض وندهنهم بالبيض من فوق ونزين بالسانوج او الجلجلان وندخلهم لفرن يكون مسخن مسبقا ثم نقص لدرجة الحرارة نخليه يطيب في راحتو نخليه يا خذ وقتو في الطياب

بعدما يطيب نخليه يبرد ونقدمو شهية طيبة 😋👌👌