اول حاجة شمخي الكسكس و خليه ييبس. من بعد اغسلي الخضار كامل لي عندك و اذا خاصاتك حاجة من الخضار ماشي خلاص مشكل..ديري بواش متوفر.قطعيهم قطع صغار. و حطيهم يفورو في الكسكاس ولا الكوكوطة لي يجي معاها الكسكاس.. ملحيهم شوية

حطي الكسكس تاعك يفور.. ديريلو شوي ملح و مغرفة زيت من بعد حضري الصلصة او لا ماريناد بالعناصر المذكورة فوق. خلي الخضار تاعك يبردو شوي برك من بعد حطيهم في الصلصة بلا ما تطيبيها.. و بلا ما تكرازي الخضار.. برفق برك..

انزعي الكسكس من النار شمخيه بشوي ماء و فوريه مرة ثانية. المرة الثالثة فرغبه فوق الخضار المحمرين.. خلطي برفق.. و عودي رجعي كلش يفور على البخار الكل مع بعض

صمغي المقفول بزيت الزيتون. تقدري ترافقيه بفلفل و زيتون مخلل.. تقدري تزيدي الهريسة الحارة في الصلصة.. تقدري ترافقيه بالبيض المسلوق.. فلفل مشوي او مقلي.. بصحتكم لي تجربوها نهار الجمعة!!!😁