نحضر جميع المقادير قدامي البيض لازم يكون بدرجة حرارة الغرفة نكون خرجتو بوقت من قبل من الثلاجة

نخلط البيض بخلاط كهربائي

ثم نجيب السكر راني وريتلكم اشحال تعمرو الكأس ماتعمروهش كامل لانه راح يخرجلكم القاطو حلو هكا يجي معتدل ثم نزيد في السكر و نخلط كيما اي مثل اي مثل موضح في الفيديو

ها هو القوام كيفاش يجي هنا نحبس الخلط بالخلاط الكهربائي

نحضر المواد الجافة ننخل كأس فرينة ىاكم شفتو في الصورة كيفاش عمرت الكأس عادي ماشي بومبي بزاف يعني مشر معمر مقبب نزيد ننخل ملعقة نيسكافي و الخميرة

ايضا ننخل معاهم بيكربونات و الكاكاو و نخلطهم كامل ثم نضيفهم بشوية للخليط و بواسطة سباتول ندخل المواد الجافة بلعقل من فوق لتحت حتى يدخلو كامل في الخليط ثم نزيد ننخل الكأس الثاني من الفرينة و نضيفو ايضا بنفس الطريقة ندخلها من فوق لتحت بلعقل حتى تختفي كامل الفرينة

شوفو القوام كيفاش يجي كأنه لاموس لأني نخلط.بلعقل من فوق لتحت بسباتول لازم يجي هكا باش تجيكم الحلوة خفيفة بزاف

في هذه الاثناء طلعت كريمة شانتيي خلط البودرة مع ماء بارد و اضفت عطر كراميل و نصف علبة كريم ديسار كراميل هذه الخطوة اختيارية اذا تحبي تضيفي نيسكافي تحليها في شوية ماء او ماتضيفي ولا شيء تخلي نكهة لاشانتيي ندخلها الثلاجة

بعدما تطيب اي تستوي اي تستوي كيكة تاعنا نخرجها نخليها تبىد شوية نطبعها بكأس او طابع دائري نحي الحلقات نفتحها بسكين في الوسط نحشيها بكريمة شانتيي من داخل و نطلي الجوانب بالكريمة وكذا الوجه من فوق نخلي فقط القاع ثم نجيب بقايا الكيكة لي بقاو كي قطعت دوائر نفتتها نجوزها في صفاية او غربال نضيفلهم شوية جوز الهند ثم نرمد الحبة المطلية بشانتيي في الخليط تتغطى كامل بالخليط نحطهم في ليكيسات

هاهي فتحت حبة بالسكين تشوفوها داخل كيف تجي محشية

هذا ديكور عملت من قبل كلمسة خاصة

رمدت الاطراف في بقايا الكيكة المفتت و من فوق في الاطراف درت بلابوش ادوي ليغوزاس هادو او وردات صغار و حطيت في الوسط معجون البرتقال