أولا نغلي صدر الدجاج بالماء وملح وفلفل أسود ورشة كركم.

نقطع حبة البصل لقطع رقيقة ونديرها في مقلاة تتقلى مليح

بعد ما يطيب الدجاج نفته ونضيفه على البصلة ونتركه يتقلى معاها ونضيف شوية ملح وفلفل أسود ونخلي الخليط يكمل طيابه في المقله.

بعد ما تقلى الدجاج مع البصلة مليح، نحيهم (نبعدهم) من فوق النار ونضيف عليهم قطع الجبن إختياري.. ونخلي الخليط يبرد ونبدا نعمر في الديول تاوعي

بعد ما نكمل كامل الديول نبدأ نقلي فيهم في زيت ساخن على نار قليلة حتى يأخد اللون الذهبي. نحيهم (نبعدهم) ونحطهم فوق ورق الماص للتخلص من الزيت الزائد.