نجيب اولا بقايا جينواز نقوم برحيه فالميكسار ونضيف عليها م ك اوبتيلا ونخلط ثم نبدا باضافة الحليب لي خلطت معاه م ك كاكاو ونضيف الحليب تدريجيا ونلم بالملعقة

بعد ماتلم العجين تاعي نجيب بلاستيك ونحلو على طاولة العمل ونفرغ الخليط ونسويه بالملعقة ثم نحط بلاستيك اخر ونجيب حلال ونحل العجين تاعي مستوي على شكل مستطيل

الخطوة التالية نخفق كاس شانتي مع نصف كاس حليب حتى تطلع مليح انا ضفتلها م ك كاكاو باه ماتجينيش شانتي بيضاء

بعد ذلك ننزع البلاستيك من فوق العجين ونحط كمية معتبرة من الشانتي ونحلها مستوية ونحط فوقها حبات شكولا او مربى المتوفر فالبيت ونبدا نلف بمساعدة البلاستيك حتى نتحصل على سويسرول نضغط عليه مليح وانا نلف ونغطيها بالبلاستيك وندخلو الثلاجة مدة 2سا

بعد مافاتت 2سا نخرحو من الثلاجة ونحي البلاستيك ونحطو على مشبك ونجيب شكولا تاعي نذوبها على حمام مائي نضيفلها قليل من الحليب وم زيت ونخلط مليح ونفرغها على الرولي تاعي ونزين اختياري

فالاخير هذا شكل سويسرول تاعي