نبدا اولا بتحضير الارز نجيب كسرونة نحطها فيها ماء يغلي نحط فيه م ص كركم وم ص فلفل اسود ونقص حبة جزر قطع صغيرة وحبات زيتون اخضر شرائح ونخليهم يغلو مع الماء مدة ربع ساعة ومن بعد نضيف الارز ونخليه يغلى حتى يطيب ومن بعد نصفيه في كسكاس ونخليه على جنب

نرجع لربع صدردجاج نرحيه بالاشوار ونحطو في صحن نضيف عليه ملح وفلفل اسود وعكري حلو وم ك شابلير وسنة ثوم مقطعة ونتبلو مليح بعد ذلك نشكلو اصابع و

نجيب مقلاة نحط فيها م ك زيت وم ك زبدة ونخليها تذوب ونبدا نحط في اصابع الدجاج يطيبو ونبقا نقلب فيهم حتى يتحمرو

الخطوة التالية نحط اصابع الدجاج في صحن بعد ماتحمرو مليح وفي نفس المقلاة نجيب صلصة طماطم جاهزة نحط ونحط الاصابع فيها ونخليهم يتقلو فصوص مليح

فالاخير نرجع للارز تاعي نجيب مقلاة كبيرة نحط فيها 2م ك زبدة ونحط للارز فيها ونبقا نقلب فيه حتى ياخذ طعم الزبدة ونطفي عليه النار ونجيب صحن التقديم نحط فيه الارز ونحط اصابع الدجاج مع الصلصة على جنب ونقدمو كوجبة عشاء خفيفة