نجيب صدر دجاح نرحيه فلاشوار ونحطو في صحن ونضيف عليه معدنوس مقطع نضيف عليه الملح والتوابل وسنات ثوم مرحيين ونحط شابلير و م ك زيت واذا توفرت م ك ياؤورت طبيعي ونخلط الكل مع بعض

الخطوة التالية نشكل اللحم تاعي كرات ونحشيه من داخل بقطعة جبن ونرجع شكلو كرات مرة اخرى حتى نكمل كامل الكمية ونجيب مقلاة نحط بها م ك زيت او زبدة ونحط كرات الدجاج تتقلى على نار قليلة ونبقا نقلب فيهم حتى يطيبو

اخيرا نحطهم في صحن وفي نفس المقلاة نحط صلصلة طماطم ونضيف عليها معدنوس مقطع ونضيف كرات الدجاج المحشوة فيها ونخليها تتشرب مليح ونجيب صحن التقديم مع مول دائري ونحط الارز تاعي فيه نشكلو مليح ونحط من فوق صلصلة طماطم وبنفس المول نحط كرات الدجاج داخله مع الصلصة ونفرغها فالصحن ونزينها بمعدنوس مقطع