نجيب الخضر نغسلها ونقطعها مربعات ونجيب مقلة نحط فيها م ك زيت او زبدة ونحط كمية السلق لي عندي ونحط عليه سنات ثوم وملح وم ص فلفل اسود ونخليه يذبل مليح ومن بعد نزيدلو م ص طماطم مصبرة ونضيف كمية اللحم المفروم ونخليه يطيب مليح

نرجع نجيب مقلاة اخرى نحط فيها كمية زيت ونقلي البطاطا تاعي وبعد البطاطا الكورجات ونحطهم على جنب ونجيب كسرونة نحط فيها الخضر المقلية ونحط عليها السلق واللحم ونضيف جبن مبشور ونخلط الكل مليح

الخطوة التالية نجيب نصف كاس حليب ونحط عليه حبة بيض ونخلط ونحط رشة فلفل اسود ونصب الحليب على خليط الخضروات ونجيب مول زجاجي نفرغ فيه الخليط ونسويه مليح ونرش عليه جبن مبشور وندخلو الفرن يطيب

اخيرا نخرج المول تاعي من الفرن ونجيب صحن تقديم ونحط فيه القاراتان تاعي

شكل الطبق قدمتو مع كسرة رخسيس وحميص حار والف صحة وعافية