نجيب اولا الطتجرة ونحط فيها م ك زبدة وم زيت ونخليها تذوب ونحط قطعة دجاج يقضل كويس انا ماكنش متوفر حطيت قطعة فقط وحطيت عليها بصل وثوم مرحيين وقليتهم مليح وحطيت ملح وفلفل اسود وتوابل وزنجبيل ومعدنوس وقليت مليح

بعد ماتقلاو مليح ضفت كمشة جلبانة يفضل زيتون اخضر انا ماتوفرش حطيت جلبانة ونمرق بالماء ونخليها تطيب

بعد ذلك نروخ للحم الدجاج ونرحيه ونجيب مقلاة نحط فيها م ك زيت ونحط اللحم نضيف عليه رشة ملح ورشة فلفل اسود وزنجبيل ونخليه يطيب

الخطوة التالية نفسها نعملها للحم المفروم وكي يطيبو نفرغهم في صحن ونخليهم يبردو

بعد ذلك نجيب ريسبسيون نحط بيضة ونصف نخلطها مليح ونحط عليه لحم الدجاج ونضيف م ك شابلير وجبن مبشور وسنات ثوم ونخلط ةلكل مليح نجيب مول يدخل الفرن ندهنو بالزبدة ونرشو بالشابلير ونفرغ لحم الدجاج ونسويه مليح ثم نجيب جبن ا ونقصو مربعات ونغطي اللحم تاعي ثم نضيف فوق الجبن اللحم المفروم ونسويه جيدا وندخلو الفرن يطيب من تحت ثم نشعلو من فوق

بعد ماطاب نخرجو ونرجع للمرق تاعي نقص منو كمية ونضيفلها قطعة جبن وم ك موطارد ونخلطهم بالبرا مليح ونضيفهم لباقي المرق ونخليها تثقال لكن مش بزاف

فالاخير نجيب صحن التقديم ونقص طاجين الجبن مربعات ونقدم. مع المرق والف صحة وعافية