خبز التوست
إفتح في تطبيق كوكبادالخطوات
- 1
نبدا بسم الله ونجيب ريسبسيون نحط فيها كاس حليب دافي ونحط عليه السكر وخميرة الخبز ونخلط ثم كاس فرينة ونخلط مليح ونغطيهم ونخليهم يتفاعو
- 2
بعد ماتضاعف حجمهم نضيف حبة بيض وم ص خل وم ك زبدة ذايبةونخلط الكل مليح ونبدا نضيف الفرينة والملح و2م ك حليب غبرة ونخلط الكل مليح حتى نتخصل على عجينة متماسكة
- 3
الخطوة التالية نحط العجينة على طاولة العمل ونعجنها حوالي 2د الى 5دقايق ونرجعها فالرسبسيون ونغطيها بورق شفاف ونخليها تتختمر
- 4
بعد الاختمار نحط العجينة تاعي على طاولة العمل ونبدا نحل العجينة تاعي على شكل مستطيل
- 5
بعد ماحليت العجينة مستطيل نبدا نلوي فيها حتى نتحصل على حربوش ونجيب مول الكيك وندهنو بالزبدة ونرشو بالفرينة ونحط الخبز فيه ونغطيه بطرشونة ونخليه يختمر مجددا
- 6
الخطوة التالية بعد مااختمرت وتضاعف حجمه ندهنو بالحليب وندخلو فرن مسخن جيدا ونحطو يطيب وكي نشوفو يحب يتحمر من فوق نغطيه بورق الطهي ومن فوق ورق المنيوم ونرجعو يطيب
- 7
بعد ماطاب وتحمر من فوق نخرجو وننزعو من المول ونخليه يبرد مدة ساعتين ونقصو
- 8
الشكل الاخير لخبز التوست جاء ماشاء الله خفيف روعة ومن بعد غطيتو كامل بورق شفاف وخبيتو فالثلاجة
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (2)