نبدا بسم الله ونجيب قدر نحط فيه اللحم والبصل واثوم مرحيين ةنحط الملح والتوابل والفلفل الاسود وكمشة الحمص ونضيف م ك زيت ونحطها عالنار تتقلى مليح ثم نضيف م الطماطم المصبرة ونقلي مليح

بعد ماقليت مليح نمرق بالماء ونخليها تطيب ثم نجيب التليتلي تاعي نفرغو في قصعة صغيرة ونحط عليه م زيت ونخلطو ثم نحطو في كسكاس يفور

بعد مافار التليتلي تاعي نرجعو فالقصعة ونضيفلو الماء بالشوية ونخليه ينشف ونرجعو يفور في كل مرة حتى يطرا مليح ونخليه حتى يطيب المرق

الخطوة التالية بعد ماطابلي المرق نحي منو قطع الدجاج ونجيب مقلاة بها زيت وندهن قطع اللحم بالزبدة ونحطو يتحمر مليح ثم نحيه ونحطو في صحن

فالاخير نجيب كسرونة نحط فيها كمية من التليتلي ونضيف عليه كمية من المرق ونخليه يتشرب مليح

نجيب صحن التقديم ونفرغ التليتلي تاعي فيه ونشبحو بحبات الحمص والبيض وقطع الدجاج والف صحة وعافية