نجيب ريسبسيون نحط كاس ماء دافي وعلبة يغؤورت طبيعي وم ك سكر وم ك خميرة الخبز وربع كاس زيت ونبدا نضيف فللفرينة والملح ونخلط حتى نتخصل على عحينة طرية نوعا ما ونعجنها حوالي 2د و

نغطي العحينة بورق شفاف ونخليها تختمر ونرجع نطيب اللحم تاعي نجيب قطعة صدر دجاج نرحيها ووحطها في مقلاة بها زيت ونحط عليه ملخ ورشة فلفل اسود حتى يطيب بعد ماطابلي رحيتو فالاشاوار ونخليه على جنب

نرجع للعحينة تاعي بعد ما اختمرت نحيها من الصحن نرش طاولة العمل بالفرينة ونحط العجينة تاعي نلمها مليح ثم نقسمها على اثنين وكل جزء الي 2 كرات وحدة نعملها كبيرة والاخرى صغيرة كيما فالصورة

نكورهم وحطهم يرتاحو حوالي 5د ثم نبدا نرش طاولة العمل بالفرينة ونبدا نحل الكرية الكبيرة

الخطوة التالية نجيب سينية مدوة نحط فيها ورق طهي ونحط الكرية الاولى فيها ثم نرجع نحل الكرية الصغيرة اقل من الاولى ثم نجيب سكين ونقصها من الوسط على 8 ونهزها بشويا ونحطها فوق الكري الاولى ونغلق مليح الاطراف ونهز هذوك المثلثات لاطراف السينية

نبدا نحط فالحشو تاعي صلصة الطماطم وندخل حتى تحت المثلثات ونحط فوق الصلصة جبن مبشور واي صلصة متوفرة او بطاطا مقلية ونرش جبن مبشور ونبدا نهز كل مثلث ونلصقو مع مثلث اخر كيما فالصورة

الخطوة التالية ندهن البيتزا تاعي بالبيض ونرش جبن مبشور وسينوج ونزينها بزيتون اسود وندخلها الفرن تطيب

فالاخير هذا شكل بيتزا رويال تاغي جات هايلة وخفيفة