نبدا بسم الله ونحضر البطاطا والزرودية ونحطهم يغليو مع الملح حتى يطيبو مليح ومن بعد نمعسوهم مليح انا من بعد فضلت نرحيهم فلميكسار احسن بعد ذلك فرغتهم في صحن حطيت عليهم معدنوس مقطع وم ص فلفل اسود وم ص توابل وملح وخلطت الكل مع بعض وحطيت سنات ثوم مرحيين

بعد ذلك حضرت البيض والشابلير وبديت نخدم فيها و ومن بعد جبت مقلاة حطيت فيها زيت كي سخن بديت نقلي الحبات تاعي حتى تحمرو مليح حطيتهم في صحن

فالاخير جبت صحن تقديم وحطيت ورق سلطة من تحت وستفت حبات المعقودة تاعي فالصحن وزينتها بزيتون اسود جابت بنينة روعة وماتبانش خلاه فيها الجزر خصوصا لاولادها ماياكلوش الجزر بالطريقة هذي ياكلوه ومايعرفوش طعمتو ابدا