نبدا اولا بسم الله ونقوم يتقطيع اللحم تاعي ونحطو فالاشوار نرحيه وبعد مارحيتو نحجو في صحن ونحط عليه نصف حبة بصل مرحية وسنات ثوم ومعدنوس مقطع وم ك شابلير ونحط االتوبل ونخلط الكل مع بعض ونجيب ورق شفاق نحط عليه اللحم تاعي ونحلو مليح ثم نجيب جبن قطع ونحطو عليه ثم نقوم بلفه حربوش ونلفو مليح لالورق الشفاف

نحضر المرق الابيض تاعي نجيب طنجرة نحط فيها هذوك العضام لي نحيتهم من لحم تاعي ونضيغ عليهم بصلة وسنات ثوم مرحين ونحط المعدنوس المقطع والتوابل وم الكركم والزيت ونحطها عالنار تتقلى مليح ثم نضيف الحلبانة ونقلي ونمرق بالماء ونخليها تطيب

الخطوة التالية نجيب كسكاس ونحط هذا الحربوش تاع اللحم فالكسكاس ونحطو فوق الطنجرة ونخليه يطيب

الخطوة التالية بعد ماتماسكلي الرولي تاعي نحيه من الكسكاس ونحطو فالمرق يكمل طيابة بعد مايطيب مليح نحيه وننزعلو الورق الشفاف

نجيب مقلاة نحط فيها م ك زيت ونحط الرولي تاعي يتحمر مليح من كل الجوانب ونحيه ونحطو فوق لوحة تقطيع ونخليه يبرد

فالاخير نجيب صحن التقديم ونحط شرائح الرولي تاعي ونحط كمية من المرق والجلبانة ونزينها بقطعة ليمون وفلفل حار انا حطيت حتى حبات المعقودة معاهم في نفس الصحن