نبدا اولا بسم الله ونجيب طنجرة نحط فيها قطعة دجاح ونحط عليها بصل وثوم ومعدنوس مقطعين ونضيف عليهم م ك زيت وملح وفلفل اسود وتوابل ونحطها عالنار تتقلى مليح ونضيف كمشة جلبانة ونقليها مليح

بعد ماتقلات مليح نمرقها بالماء ونخليها تطيب ونجيب حبة بطاطا نغسلها ونقطعها مربعات ونحطها في مقلاة تطيب

الخطوة التالية كي تطيبلي البطاطا نحيها ونحطها على جنب ونرجع للمرق تاعي بعد ماطاب نخلي كمية قليلة من المرق ونحي منو الجلبانة ونحطها في طبسي اخر ونفتت هذاك الدجاج

نرجع نحط البطاطا على الجلبانة ونحط اللحم المفتت ونجيب كمية المرق لي خليتها نحط فيها حبة بيض وقطعة جبن ونمعسها مليح ونجيب مرل يدخل الفرن نفرغ فيه الخليط تاعي ونصب عليه المرق والبيض لي خليت ونرش عليه جبن مبشور وندخلو الفرن يطيب

فالاخير نخرج الطبق تاعي من الفرن ونقدمو في صحن التقديم