نبدا بسم الله ونجيب قدر ضغط نحط فيه ساشي الملوخية ونحط الزيت عليها ونخلط مليح ثم نحط قطعة دجاج ةنضيف الملح والفلفل الاسود والتوابل ثم نحط راس كامل تاع ثوم مهروس ونحطها على نار تتقلى مليح

نحط كمية مليحة من الماء يغلي مليح ثم نجيب حبة طماطم صغيرة نقصها ونضيفها عليها ونمرق بالماء ونغلق القدر تاعي حوالي ساعة بعد ذلك نفتح عليها ونحي قطع الدجاج ونخلي الملوخية تاعي تكمل طياب وكي تبدا تنقص خلاه من كمية الماء تبدا الملوخية تاعي تخرج فللزيت تاعها

فالاخير نقدمها في صحن التقديم انا نفضل نقدمها مع كسرة مطلوع تجي هايلة