نبدا بسم الله ونجيب ريسبسيون نحط فيها حبات البيض والسكر ونطلعهم مليح حتى يباض الخليط نضيف الزيت تدريجيا ونخفق ثم نحط العسل وعطر الشكولا ونواصل الخلط

بعد ما خلطت مليح نضيف الفرينة والخميرة تدريجيا ونلم حتى نتخصل على عجينة طرية نوعا ما

الخطوة التالية نجيب سينية ونحط ورق طهي ونجيب طابع شكل قلب ونبدا نحل العجينة على ورق طهي ونطبع ونحط فالسينية حتى نكمل كامل العجينة

بعد ذلك نجيب حبة بيض ونزيدلها م ك كاكاو ونخلطها مليح ونطلي حبة القاطو تاعي ونعمل خطوط فالشوكة وندخلها فرن مسخن مسبقا تطيب من تحت ومن بعد نشعللها من فوق تتحمر ونخرجها ونخليها تبرد

فالاخير نتحصل على حلوى القالات بذوق شكولا بنينة بزاف نقدمها مع الفطور جاء هايل وعطر الشكولا عطالو ريحة زاكية بزاف