نبدا اولا بتحضير العجينة نجيب صحن نحط فيه الحليب الدافي والسكر والخميرة ونخلط مليح ونغطيهم لمدة 5د

بعد مامرت 5د نضيف ملاعق الزيت ونخلط ونبدا نضيف الفرينة تدريجيا والملح ونخلط حتى نتخصل على عجينة طرية نلمها مليح ونخليها تختمر

الخطوة الموالية نهبطلها الخمور ونرش طاولة العمل بالفرينة ونقسم العجينة تاعي على 2ونبدا نحل العجينة الاولى ونجيب مول زجاجي ونحط فيه العجينة الاولى ونقطعلها الزائد

بعد ذلك نحضر الحشو ونقلي البطاطا تاعي ونحط صلصلة الطماطم اولا ثم نحط كمية من الحميص في كامل العجينة ثم نوزع البطاطا المقلية والزيتون الاخضر شرائح

بعد ذلك نحط جبن طري وجبن مبشورعلى السطح ثم نحل العجينة 2ونحطها على الحشو تاعي ونقطع الزائد ونغلقها مليح وندهنها بصفار البيض ونرشها بالسينوج

نشعل الفرن وندخلها الفرن تطيب من تحت ثم نشعللها من فوق تتحمر مليح وزخرجها ونفرغها من المول ونحطها تبرد ونقطعها الى شرائح ونقدمها