نبدا اولا بسم الله ونقطع الفواكه تاعي قطع صغيرة انا عملت حبة موز وحبتين تفاح وحبة كيوي وحبات فراولة ونجيب صحن نخلطهم الكل مع بعض ثم نجيب كسرونة نحط فيها الحليب والسكر والنشاء والفلان كراميل ونخلط بارد في بارد ثم نحطها عالنار حتى يثقال الخليط ونطفي عليه النار

بعد ذلك الكيسان لي راح نقدم فيهم نحط كمية من الفلان بالتساوي حتى نكملها ونخليها تتماسك شوي ثم نضيف كمية من الفواكه المشكلة

فالاخير نطيب الطبقة الاخيرة نحط كاس وربع عصير برتقال وم ك سكر وساشي فلان فانيلا ونحطهم عالنار كي يغلو نطفي ونفرغها في كامل الكؤوس فوق الفواكه وندخلها الثلاجة تبرد وتقدم فالسهرة جات بنينة بزاااااف وبرستيج

الشكل النهائي لتحلية الفواكه