نحضر المرق تاغي نحط قطعة دجاج في طنجرة ونحط عليها بصلة وسنات ثوم مرحيين ونحط الملح والتوابل وفلفل اسود وكركم ومعدنوس مقطع ونحطها تتقلى عالنار مليح ثم نضيف الحميصة ونقلي مليح ونمرق بالماء وونخليه يطيب

نجيب صحن ونحط فيه اللحم المرحي ونتبلو ونضيف عليه حبة بيض وم ك ارطب تاع فريك ونخلط مليح ونخليه على جنب ثم نحط 2حبات بيض تتسلق ثم نقشرهم ونقصهم براج

بعد ذلك نبدا نغلف كل برج بيض في لحم ونحطهم على جنب نحاول نغلقهم مليح ثم نحط في مقلاة زيت ونقلي هذو الحبات

الخطوة الاخيرة نحط هذو الحبات على ورق ماص

فالاخير نرجعهم فالمرق يطيبو مليح حتى يقال المرق تاعو

نجيب صحن التقديم ونحط فيها الطبق تاعي ونزينو بمعدنوس مقطع